يا فؤادي..شعر

أحمد بن فهد
المحيط_الهادي

أنا والله مدري وين راحت
وهل هي عايشه أو استراحت

بنيت أركان أفكاري معاها
وحلمي مات والأركان طاحت

أعزي الحلم فيني والاماني
وعزيت الجوارح يوم صاحت

تصبر يا فؤادي في زمانك
وخذ عبره إذا الأفواه باحت

ولا تجزع لو أن الوضع مفجع
كثير أشياء مع الأيام شاحت

ودايم في بدايات المفارق
سهام الفقد للصدر استباحت

وأشوف أسراب في عيني كثيره
تهاجر عشها بالشوق ناحت

ومن لاحت كفوفه لي موادع
تبسمت وعيوني عنه زاحت

ولا أخفيك إن البعد مؤلم
لو أكفوفي لمن ودعت لاحت