الرئيسية 10 المتابعات 10 24 ساعة 10 الفتنـــة ..

الفتنـــة ..

بقلم 

الشاعر / مشعل بن جريد 

الفتنـــة

الفتنه اللي علمت رشفة الكوب…..ان الحلا لو قل يطغى حلاها
 
ياليتها ما درست ميلة الثوب……على الهوا والناس تمشي وراها
 
كن الخصر تصميمها بالفوتوشوب…..ماتشيل همه يوم تلبس رداها
 
بينه وبين الصدر طالب ومطلوب….كلاً على الرزه يدور رضاها
 
قسوة كمثرى لا تثنت تحت روب….وانعم من الورده ليا زاد ماها
 
ماهي بحاجة صبغ أو خافي عيوب….من حسنها كن المرايا تباها 
 
لاوقفت قدامها ماش عذروب…….لكن تذكر نعمة اللي عطاها
 
سحر النفود بخدها حزة غروب….وجمرة غظا مكتظة" في شفاها
 
ومن الحيا لاسولفت كنها تذوب…..وانا اشوف اسيوفها في حياها
 
قالب ثقافه داخل الثغر مسكوب…..في اسمها في شعرها في مداها
 
من ذوقها احس ماعندي اسلوب……ما كني الا غيمة" في سماها
 
 وان جيت للهيبه تقل شيخ منصوب…..منصوب دوله في ديار اغرماها 
 
بنت الشيوخ معربه مابها شوب……..من دونها جفت حلوق اخطباها
 
كم راس قوم قال والله ما اتوب……..لاجلس اعزوبي والعمر من فداها
 
 
 
,,,,,,,,,,,,,,,,,,,,,,,,,,,,,,,,,,,,,,,,,,,,,,,
 
 
 
 
 

عن الشاعر / مشعل بن جريد

x

‎قد يُعجبك أيضاً

هواوي” وstc  تناقشان آفاق التعليم الرقمي خلال قمة التعليم الافتراضية

  روافد العربية/ وسيلة محمود الحلبي    استضافت stc، الممكن الرقمي الأول في المنطقة بالتعاون ...